自從前晚出現左「不安感」之後，佢就好似據佔我咁……揮之不去！

尤其尋晚同今晚……無形地，一聽到「佢」電話黎，個種「孤獨感」無端端會出現，諗起個種感覺，就會眼濕濕……

我個種正能量唔知點解好似失踪一樣！

當佢尋晚話︰其實唔須要搵d節目梗係要同我一齊……因為唔想再用我d錢。但今晚，佢又去陪另一個朋友。

如果平時既我，絕對唔會覺得係咩一回事，但……

其實，理性話我知，尼件只不過係一件普通事……但我想魔鬼係我心靈脆弱既時候被攻陷左！

今晚坐地鐵，聽到Graham Coxon - If You Want Me，竟然有種「共鳴」︰一瞌埋眼，就流眼淚！尤其當中既歌詞，我個人一諗起尼首歌既歌詞，有種被人呼之則來，揮之則去既感覺哩！

"…If you want me, come and get me
If you want me, you'll be there
In the daytime, in the night time
Over here and, over there
It's oh so serious
It's oh so lame
I'm half delirious, when you call my name…"



神呀！我知尼一刻唔開心都係假象，願你聽見孩子既懇求，願祢拯求孩子心靈上既不安，將種種魔鬼所作係孩子身上既一一捆綁……願尼d感覺藉祢大能得一掃而空，重新得力！禱告奉主耶穌基督之名求，阿們！

To Honey:
係呀，嗰個佢確實講緊你，但不須為到尼篇文介懷或者自責，讓我有釋放既空間！……我知你已經盡你所能去令我釋放，尼份愛我收到架！……^^

唔知點解，總之遇到個人既情緒想宣洩個陣，就係自動波播起Mansun既歌，尤其B-Sides既歌哩！

尼個題目，好似不斷係我生命裡間唔中就會走出黎︰係時候又係要見下「我」啦！

尼一年幾，從個人既腦袋世界跳出黎，多左我既Honey一路走，我慢慢重拾番︰原來我係有感受！係愛而生既人既感情、情緒‥‥引發身體、內心有「震動」得既知覺‥

再心思多d，還是神祢畀番孩子尼種知覺‥‥諗番上黎，有成十幾年既時候讓尼種知覺閉塞起黎‥‥每次係屋企受挫折，五、六歲已經諗︰係唔係自己唔好，所以件事會攪成咁？更甚既係每次都係要自己開聲講唔對住先 (無論件事係唔係我錯都好)‥‥但總係唔會心服哩！‥‥哈哈！

某程度，去到一個位，開始會諗︰再自己講對唔住，對方係唔係真係真心、完全可以寬恕自己？邊個有尼個權柄？尼d都係我廿八年既人生一直被困既枷鎖。如果我依家既答案︰哪個就係上帝！佢讓佢獨子耶穌可以以無罪之身為負罪既眾人受罪，用血去洗淨信主既兒女得新生命‥‥我作為其中一個，或許讓我感到重新既確據︰重新與自己既感情同在！

但當中還是有苦惱既地方。

1. 一路都喺屋企人既眼光下生活，真係有講唔出既痛。我明白自己仲有尼舊「大垃圾」壓係胸口上‥‥睇到細佬依然都係當自己唔係「尼個家」一份子；媽依然會諗我係用怨恨既眼光看待佢；家姐已經有自己生活；老豆仍然活係佢既馬經世界。其實我以前唔會用「老豆」而係叫「嗲哋」‥‥依家大個左，從稱呼到睇到自己亦有罪既地方︰我依家既屋企既處境，唔多唔少關於我「老豆」做錯事之後被牽連‥‥有左另一半既我，係度實踐真正既寬恕。我相信我因著信主甘心樂意咁做‥‥我最近內心強烈對「老豆」多左一d諗法︰其實依家既佢不愛清潔、沈溺賭馬食烟、總係垃圾筒裡執野，心態上都係自我責罰。係佢既角度，就係對佢既錯過既行為用尼種行為去對「尼個家」負責任！咁樣絕對係消極既做法，但真係感覺到佢一直不被寬恕之下去生活‥‥佢真係仲可以做d咩？‥‥媽一直用一把天咁高既呎去度佢，苦心真係咁樣就有回報？但願媽果真相主祢既話，讓佢既靈喚醒︰何為寬恕？
依家對我黎講，我係屋企人心目中變成點似乎無得我強求‥‥我盼望佢地真正享有平安、喜樂過佢地既人生！

2. 習慣抽離感覺行事既我，對我既工作係有相當既禆益。最近我要帶住一個結左婚半年多d既女同事工作，發覺唔單止做野，連交際手腕、態度比一個岩岩打工既妹妹仔真係不相伯仲既唔掂‥‥真係每一次guide佢做野，真係野野搵位串番自己‥‥Engineer阿頭想我去提昇佢好似我依家做到既level，Accounts阿頭時不時話番我知佢係如何既冇記性，sales dept有兩個細聲講，大聲笑既同事就係咁問我佢如何既騎呢，我阿頭招架唔住佢係咁問每樣野既價錢，原本唔係佢洗錢，講到要自己洗既話係幾咁唔情願，攪到阿頭唔知同佢有咩話題講，仲畀阿頭感覺尼位同事勁自私︰公司既野食係偷偷地收埋諗住據為己有‥‥仲要示範︰何為龜速工作！‥‥阿頭講左一樣理論︰試用期應該見到嗰個人最好表現既時候。其實對我黎講，人格點樣我一d都唔會理會‥‥反而盡到自己工作本身既本份就可以‥‥只係由佢開始接job工作，就係我受佢氣既開始‥‥有時有d說話我原先忍住唔回應，但可以忍到幾時呢？今晚發覺真係忍唔住‥‥我最唔能夠容忍無心裝載工作既人。尤其承繼我工作既人‥‥做左兩個禮拜，都係亂咁砌個job tasks出黎，份野仲要砌畀老細睇！點能夠馬虎了事？安慰既係我阿頭知道我既態度已經係做到最包容、最有愛心去同佢合作。還是感恩神係孩子身上既作為‥‥Glory for my lord!!!

3. 最近尼兩日，我Honey唔知咩事，電話唔想講，脾氣又燥，讓我係電話度吃閉門羹‥‥咁耐以黎，真係第一次得尼一記悶棍‥‥今日冒險地開番ebuddy，好大原因係想咁樣睇下有冇機會讓佢對我講野，就算我根本未必有時覆佢msg都好。總之我腦內既謎解開啦！佢話自己suffer緊痱滋、背瘡、又要畀阿媽點點囉嗦‥‥因為咁，佢接收「人地」既事既Quota full左，所以尋晚我練完歌打畀佢都要被佢收線‥‥
其實，我頭先既問題就正正因為尼件事而又想起黎。

黃子華係佢既楝篤笑裡，咁樣形容一個情景︰睇見一家四口食飯，仔發脾氣，阿媽跟住口講回應，過多一件局面越黎越薑，最後老豆一手頂野落地下，大聲講︰咪嘈，繼續食飯‥‥其實，整個過程係物理上只係能量既轉移！‥‥哈哈！如果每個人識得尼D "Sense of Humor"，世界真係多種包容吧！..........^^